ვინ ვართ ჩვენ

24-წლიანი გზა იდეიდან საკუთარ ბრენდამდე.

დიდი ბიზნეს ისტორიები ხშირად ერთი ადამიანის დაუღალავი შრომითა და პროფესიისადმი ერთგულებით იწყება. სწორედ ასეთია ეკატერინე სარალიძის გზა — ვიზაჟისტის პოზიციიდან საკუთარი ესთეტიკური ცენტრის, „ეკა ესთეტიკისა“ და პროფესიონალური ხაზის შექმნამდე.

ეკატერინე სარალიძემ კარიერა 24 წლის წინ, კოსმეტოლოგისა და ვიზაჟისტის პოზიციიდან დაიწყო. წლების განმავლობაში მან დიდი აღიარება მოიპოვა ვიზაჟის სფეროში და ჩამოაყალიბა ლოიალურ მომხმარებელთა ფართო წრე. სწორედ მომხმარებელთა სიმრავლემ და ნდობამ გადააწყვეტინა, რომ პირადი პროფესიული პრაქტიკა საკუთარ ესთეტიკურ ცენტრად — „ეკა ესთეტიკად“ გარდაექცია, რომელიც დღეს უკვე სილამაზისა და ესთეტიკის სრულ სერვისცენტრად ფუნქციონირებს.
 ბაზარზე არსებული სილამაზის სალონების დიდი ნაწილისგან განსხვავებით, „ეკა ესთეტიკი“ წინ გადადგმულ ნაბიჯად საკუთარი ბრენდირებული პროდუქტის შექმნას — „Eka Makeup“-ის პროფესიონალური ფუნჯების სერიას ასახელებს. ფუნჯები შექმნილია ინდივიდუალური ლოგოთი და დიზაინით, მაღალი ხარისხის მასალებითა და პროფესიონალების საჭიროებებზე მორგებული წონასწორობით, ფორმითა და გამძლეობით.

ბიზნესის შემდეგი ნაბიჯი უკვე დაგეგმილია — „Eka Makeup“ ფუნჯების ხაზის გაფართოება და აქსესუარების დამატება. ეს ნაბიჯი საშუალებას მისცემს ცენტრს, ეტაპობრივად გადავიდეს გრძელვადიან პროდუქტულ სტრატეგიაზე, რაც ბრენდს არა მხოლოდ სერვისების მიმწოდებლად, არამედ პროფესიონალური მაკიაჟის სრულფასოვან პლატფორმად აქცევს.